أكتر حاجة بتقلق الامهات الجداد ازاى تخلى ابنها يتكرع ,الموضوع سهل جدا مش محتاج تدخل كبير ,فكرة التجشؤ او زى ما بنسميه بالعامية المصرية التكريع:اننا نخرج الهوا الزيادة اللى دخل للطفل اثناء الرضاعة,فى الحقيقة مش كل الاطفال محتاجين لعملية دى لانه مش بالضرورة انهم يكونوا ابتلعوا كمية كبيرة من الهوا اثناء الرضاعة..وعموما لو طبطبنا على ظهره بعد الرضاعة فى الدقائق القليلة بعدما يتم ارضاعه اى هوا زيادة هيخرج فى صورة التجشؤ او التكريع.
وفى طرق ممكن تساعدنا اكتر زى مثلا:
شيليه على صدرك وطبطبى بالراحة او مثلا تنيميه على رجلك او ينام ع الارض بحيث تبقى بطنه لتحت وتطبطبى بالراحة او انه ياخد وضع الجلوس وتمسكيه كويس وتطبطبى عى ظهره
الطبطبة بتكون بشكل اقوى شوية من اللمسات الحنونة للام وفى اولاد كتير بيقدروا يعملوا كدة بدون مساعدة بنساعد الطفل على اخراج الهوا فاول دقيقتين من بعد الرضاعه لو ما حصلش كدة بنسيبه او بنكررها بعد فترة اذا حسينا انه مش مرتاح
واحنا بنرضعه مثلا لازم نوقف لحد ما نساعده يعمل كدة ,بس ناخد بالنا انهم بيغضبوا جدا اذا توقفت الرضاعه بدون داعى وعشان منخليش الهوا الزيادة يدخل معدته اثناء الرضاعه نتأكد ان بؤه قافل تماما على حلمة الام.
No comments:
Post a Comment